Vijdonlilik, shubhasiz, ajoyib fazilat. Ammo bu narsa hayvonlar uchun emas. Jonzotlarning ko‘pchiligi o‘z istagiga yoki o‘ljasiga erishish uchun mohirlik bilan o‘zlarini niqoblaydi.
Sakkizoyoq boshqa dengiz jonzotlariga qaraganda ajoyib aktyorlik mahorati uchun kamida 15 ta “Oskar” yutishi mumkin.
Xo‘jasavdogar boshqa qushlarni qo‘rqitish va ularning ozuqalarini olish uchun qirg‘iy ovoziga taqlid qiladi, degan nazariya mavjud.
Iblisbaliq zulmatda o‘zini niqoblab oladi, chiroqsimon tayoqchasi yordamida mayda baliqlarni o‘ziga tortadi va ularni to‘g‘ri og‘ziga yuboradi.
Yirtqichni ko‘rib qolgan suvilon fojiali tomosha ko‘rsatadi: qiyshayadi, o‘zini har yonga uradi, tilini osiltirib, yoqimsiz hid chiqaradi.
Alligator uyalariga qurilish materiallari izlayotgan qushlarni aldash uchun shox-shabbalar bilan niqoblanadi.
Meksika qalqontumshuq iloni shunchalik dangasaki, o‘ljasining o‘zi qurt shaklidagi dumini tishlashini kutib yotadi.
Surbet qandala o‘lja qidirish va yirtqichlardan yashirinish uchun chumolilar terisini “kiyib oladi”.
Ba’zi yirtqich qurtlar o‘ljasini g‘aflatda qoldirish uchun o‘zini novdadek ko‘rsatadi.
Chittakning uyasi ko‘p qavatli: bitta eshik yirtqich uchun, ikkinchisi esa qoshish (maxfiy) uchun.
Och qolgan sirtlon hayvonot bog‘i xodimining e’tiborini jalb qilish uchun odam kabi kulishi mumkin.
Sharqiy kulrang olmaxon yong‘oqni ko‘mishdan oldin bir necha marta shunday harakat qiladi. Shunda o‘g‘rilar aslida ozuqa qayerga ko‘milganini bilolmay dog‘da qoladi.
Tovus kambala ustidagi naqshini mukammal namoyish etishi uchun unga atigi 8 soniya kerak bo‘ladi.
Tabiat qo‘ynida bo‘lganingizda haqiqiy barg kabi ko‘rinadigan va chayqaladigan hasharot mavjudligini unutmang.
Izoh (0)