Futbol bo‘yicha Yevropa Chempionlar Ligasi chorak final bosqichidan o‘rin olgan ikki uchrashuv 6-aprel, chorshanba kuni bo‘lib o‘tdi.
“Real” safarda “Chelsi” mehmoni bo‘ldi. Birinchi bo‘lim yarmiga kelib, Karim Benzema ketma-ket ikki bor raqib darvozasini aniq nishonga oldi. Bunga londonliklar Kay Havertsning goli bilan javob qaytardi. Ikkinchi bo‘limning dastlabki daqiqasida Benzema raqib darvozabonining xatosidan unumli foydalanib, het-trik qayd etdi. Qolgan vaqtda hisob o‘zgarmadi.
Karlo Anchelotti shogirdlari Madridda bo‘lib o‘tadigan javob o‘yini oldidan ishonchli natijaga erishdi.
“Vilyarreal” o‘z uyida “Bavariya”ni qabul qildi. Uchrashuvning 8-daqiqasida Arnaut Danjuma tomonidan urilgan gol ispanlarga g‘alaba olib keldi.
Har ikkala qarama-qarshilikning javob bahslari 13-aprel sanasiga belgilangan.
Yevropa Chempionlar Ligasi
1/4 final, dastlabki bahslar
6-aprel, chorshanba
“Chelsi” Angliya – “Real” Ispaniya 1:3
Gollar: 0:1 – 21 Benzema, 0:2 – 24 Benzema, 1:2 – 40 Haverts, 1:3 – 46 Benzema.“Chelsi”: Mendi, Jeyms, Tiago Silva, Ryudiger, Kristensen (Kovachich, 46), Aspilikueta, Jorjinyo (Loftus-Chik, 64), Kante (Ziyosh, 46), Pulishich (Lukaku, 64), Maunt, Haverts.
“Real Madrid”: Kurtua, Karvaxal, Alaba, Militao (Nacho, 64), Mendi, Modrich, Kroos (Kamavinga, 74), Kazemiro, Valverde (Sebalyos, 86), Benzema (Beyl, 86), Vinisius Junior.
Ogohlantirishlar: Militao (14), Ryudiger (19).
“Vilyarreal” Ispaniya – “Bavariya” Germaniya 1:0
Gol: 1:0 – 8 Danjuma.“Vilyarreal”: Ruli, Foyt (Orye, 81), Albiol, Pau Torres, Estupinyan, Lo Chelso, Koklen (Pedrasa, 59), Kapu, Parexo, Jerar Moreno, Danjuma (Chukvueze, 81).
“Bavariya”: Noyer, Pavar (Zyule, 71), Ernandes, Upamekano, Devis, Gnabri (Sane, 62), Kimmix, Musiala, Myuller (Goretska, 62, Roka, 90+4), Levandovski, Koman.
Ogohlantirish: Estupinyan (74).
Izoh (0)