“Real” Chempionlar Ligasi chorak finalining dastlabki o‘yinida “Chelsi” ustidan 3:1 hisobida g‘alaba qozondi.
Madridliklar safida Karim Benzema het-trik muallifiga aylandi. Hujumchi barcha musobaqalar doirasida ketma-ket 7 o‘yindan buyon gol urib kelmoqda. Shu vaqt davomida Karim 13 ta golga mualliflik qilishga muvaffaq bo‘ldi.
Fransiyalik hujumchi joriy mavsum Chempionlar Ligasidagi gollari sonini 11 taga yetkazdi va to‘purarlar bahsida ikkinchi o‘ringa ko‘tarilib oldi. “Bavariya” hujumchisi Robert Levandovski 12 ta gol bilan musobaqaning eng yaxshi to‘purari bo‘lib turibdi.
Benzema faoliyatida ilk bor mavsum davomidagi gollari sonini 40 tadan oshirdi. 2021/22-yilgi mavsumda fransuz “Real” safida 36 o‘yinda 37 ta gol, terma jamoada esa 7 o‘yinda 5 ta gol urdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)