Bugun,

  • USD 10920.28
  • RUB 177.49
  • EUR 11052.42

O‘tgan hafta davomida butun dunyoda 9 milliondan ortiq odam koronavirus bilan kasallangan, ulardan 26 mingdan ortig‘i vafot etgan. Shu bilan birga, Jahon sog‘liqni saqlash tashkilotining (JSST) haftalik hisoboti ma’lumotlariga ko‘ra, o‘tgan haftada o‘limlar soni undan avvalgi haftaga nisbatan 43 foizga kamaydi.

Foto: Getty Images

“28-martdan 3-aprelgacha COVID-19 bilan kasallanish bo‘yicha yangi holatlar avvalgi haftaga nisbatan 16 foizga, vafot etganlar soni esa 43 foizga kamaydi”, — deyiladi xabarda.

Hafta davomida JSSTga 10 million 351 ming 818 kishi infeksiyani yuqtirgani, 26 285 kishi kasallikdan vafot etgani haqida xabarlar kelib tushgan. O‘tgan haftada kasallanganlar sonining kamayishi JSSTning barcha oltita mintaqasida kuzatilgan. Bu ayniqsa, Afrika (minus 19 foiz), Yevropa (minus 16 foiz) va G‘arbiy Tinch okeani mintaqasida (minus 16 foiz) yaqqol namoyon bo‘ldi. O‘lim darajasining pasayishi ham barcha hududlarda qayd etildi, ayniqsa Janubi-Sharqiy Osiyoda (73 foizga) va Amerikada (63 foizga) sezilarli pasayish kuzatildi.

Eslatib o‘tamiz, tashkilot avvalgi haftada, 21—27-mart kunlari butun dunyo bo‘ylab koronavirusdan vafot etganlar soni 43 foizga o‘sgani haqida xabar qilgandi.

JSST, shuningdek, COVID-19 “rivojlanishda davom etayotganini” eslatdi. “Infeksiya yuqishining hozirgi yuqori darajasini hisobga olsak, koronavirusning boshqa variantlari, jumladan, rekombinantlar ham paydo bo‘lishi mumkin”, — deyiladi ma’lumot varaqasida.

JSST ma’lumotlariga ko‘ra, o‘tgan sutka davomida dunyo bo‘ylab 870 mingdan ortiq odamda koronavirus aniqlangan va 3,8 mingdan ortiq o‘lim qayd etilgan. Pandemiya davrida jami 490,8 milliondan ortiq kasallanish holati qayd etilgan, 6,1 milliondan ortiq kishi vafot etgan.

Izoh
Asosiy yangiliklar
Mahalliy
Andijonda bank xodimlari bankomatlarga joylashtirish uchun ajratilgan 111 mln so‘mni o‘zlashtirgani aniqlandi
Mahalliy
O‘zbekistonda magistraturada o‘qiyotgan xotin-qizlarning kontrakt to‘lovini qoplab berish tartibi belgilandi
Mahalliy
Toshkentdagi klinikada janjal ko‘targan opa-singilga sud hukmi o‘qildi