Trade-in — bu eski avtomobilni yangisiga yoki boshqa eski avtomobilga almashtirish xizmati. Avtomobilni yangilash vaqtida foydaga ega bo‘lish va tez-tez o‘zgartirib turish mumkin, ya’ni mijozlar oz miqdordagi qo‘shimcha to‘lov evaziga yangi avtomobil sotib olish imkoniyatiga ega bo‘lishadi. Aynan shunday dastur Hyundai Auto Asia kompaniyasida ishga tushirildi.
Dastur qanday ishlaydi?
2022-yil 1-fevraldan boshlab, Hyundai Auto Asia’da Trade-in xizmati ishga tushirildi. Ayni paytda u Toshkentdagi barcha Hyundai dilerlik markazlarida ishlaydi. Kelgusida esa butun O‘zbekiston bo‘ylab ishga tushiriladi.
Trade-in bo‘limi rahbari Behzod Qayumov yangi xizmat va uning imkoniyatlari haqida to‘liq ma’lumot berdi:
— O‘zbekistonda eskirgan avtomobillar bozori muttasil o‘sib bormoqda. Bu modellar qatorining doimiy yangilanishi va shunchaki yangi, qulay avtomobilga o‘tish istagi bilan bog‘liq.
Hyundai avtomobillarini tanlagan ayrim xaridorlar avval eski avtomobilini sotish zarurligi sababli, yangi avtomobil xarid qilishni keyinga surayotgani haqida aytmoqda. Hech kimga sir emaski, eski avtomobilni sotish ba’zida juda mashaqqatli va uzoq davom etadigan jarayonga aylanadi. Siz mashina bozoriga borishingiz, kun bo‘yi turishingiz, xaridor qidirishingiz, savdolashishingiz, rasmiylashtirish jarayonida navbatingizni kutishingiz kerak.
Kompaniyaning asosiy maqsadi, mijozlarimizga qulaylik yaratish ekanligini inobatga olib, ularga yanada yaqinroq bo‘lishga qaror qildik va Toshkentdagi Hyundai dilerlik markazlarida yangi Trade-in xizmatini ishga tushirdik. Ishga tushirilgan dastur qanday ishlaydi? Avtomobil egasi dilerlik markaziga keladi, shu yerning o‘zida texnik holatining to‘liq diagnostikasini amalga oshiradi, diagnostika natijalari va, albatta, ishlab chiqarilgan yilini inobatga olgan holda baholash amalga oshiriladi. So‘ngra avtomobil egasi o‘zi uchun qulay va foydali Trade-in turini tanlaydi.
Hyundai Auto Asia ushbu xizmat uchun bir nechta qulay variantlarni taklif etadi
Klassik
Klassik Trade-in xizmati yangi avtomobil qiymatini eski avtomobil hisobiga qoplashni nazarda tutadi, ya’ni salon eski avtomobilni sotib oladi, mijoz esa yangi Hyundai avtomobillaridan birini tanlaydi va sotib oladi. Ushbu usul o‘z avtomobilini tezda sotmoqchi bo‘lgan, narxlar orasidagi farqni to‘lash uchun mablag‘ga ega bo‘lgan xaridorlar uchun mos keladi. Mijozlar ushbu usulni o‘z vaqtini tejash uchun tanlashadi. Aytgancha, Hyundai Sonata va Elantra sedanlarini xarid qilishda pozitsiyani inobatga olgan holda 10 million so‘mgacha imtiyoz beriladi. Shuningdek, ushbu avtomobillar uchun 30 oygacha bo‘lib to‘lash dasturi mavjud. Mijozning iltimosiga ko‘ra, barcha krossoverlar uchun lizing taqdim etilishi mumkin.
Komissiya
Avtomobil egasi Hyundai dilerlik markazlaridan biriga kelib, mashinasini realizatsiyaga qoldiradi. Diagnostika o‘tkazilganidan so‘ng avtomobil egasi tomonidan belgilangan narxda sotuvga qo‘yiladi. Avtomobil sotilganidan so‘ng mijoz Hyundai avtomobillaridan birini xarid qiladi. Bunda avtosalon saydo maydonchasi vazifasini bajaradi.
Eski avtomobilni boshqa eski avtomobilga almashtirish
Trade-in xizmatining eng mashhur turlaridan biri. Mijoz o‘zining eski avtomobilini Hyundai dilerlik markazlarida Trade-in dasturi bo‘yicha sotilayotgan boshqa eski mashinaga almashtirishi mumkin.
Muhim qo‘shimcha: Trade-in dasturida har qanday rusum va modeldagi avtomobillar ishtirok etishi mumkin.
Dastur atigi ikki oy davomida amal qilayotganiga qaramay, avtomobillar parki juda keng va qiziqarli.
Sotilayotgan avtomobillar bilan quyidagi havola orqali tanishib chiqishingiz mumkin: https://instagram.com/tradein_hyundai?utm_medium=copy_link
Avtomobilini sotmoqchi bo‘lganlar uchun yana bir qiziqarli taklif.
Sotib olish
Hyundai Auto Asia mijozlardan avtomobillarini sotib olish xizmatini taqdim etadi, ya’ni mijoz Hyundai avtosalonlaridan biriga keladi va o‘z mashinasini diagnostikadan o‘tkazadi, diagnostika natijalariga ko‘ra avtomobil narxlanadi. Agar avtomobil egasi taklif etilgan narxga rozi bo‘lsa, avtosalon mashinani sotib oladi.
Alohida ta’kidlab o‘tish lozimki, barcha avtomobillar nafaqat texnik, balki huquqiy tekshiruvdan ham o‘tadi. Avtomobilning yangi egasi bitimning shaffofligi va qonuniyligiga ishonch hosil qilishi mumkin.
Batafsil ma’lumotlarga ega bo‘lish uchun 1248 qisqa raqamiga qo‘ng‘iroq qiling.
Reklama huquqi asosida.
Izoh (0)