Shavkat Mirziyoyev 5-aprel kuni Qozog‘iston prezidenti Qosim-Jo‘mart To‘qayev bilan telefon orqali muloqot qildi, deb xabar bermoqda davlat rahbari matbuot xizmati.
Qayd etilishicha, prezidentlar Ramazon oyi boshlangani bilan bir-birlarini samimiy tabriklab, birodar O‘zbekiston va Qozog‘iston xalqlariga farovonlik va ravnaq tiladi.
Oliy darajada erishilgan kelishuvlarni amalga oshirish masalalari ko‘rib chiqildi.
O‘zaro savdoni ko‘paytirish, sanoat kooperatsiyasi bo‘yicha qo‘shma loyihalarni ilgari surish, madaniy-gumanitar dastur doirasida faol almashinuvlarni davom ettirishga alohida e’tibor qaratildi.
Shuningdek, mintaqaviy hamkorlikning dolzarb jihatlari, shu jumladan, 2022-yil sentabrida O‘zbekistonda SHHT sammitini o‘tkazish va unga tayyorgarlik ko‘rish yuzasidan fikr almashildi.
Davlat rahbarlarining bundan avvalgi telefon orqali muloqoti 16-mart kuni bo‘lib o‘tgandi. Prezidentlar Navro‘z bayrami munosabati bilan bir-birini tabriklab, ikki tomonlama munosabatlar kun tartibi va Markaziy Osiyoda mintaqaviy hamkorlikning dolzarb masalalarini muhokama qilgandi.
3-mart kuni bo‘lib o‘tgan suhbatda esa O‘zbekiston—Qozog‘iston do‘stlik, strategik sheriklik va ittifoqchilik munosabatlarini yanada mustahkamlash, o‘zaro manfaatli amaliy hamkorlikni kengaytirishning dolzarb masalalari muhokama qilingandi.
Izoh (0)