Ko‘p ming sonli Olmaliq kon-metallurgiya kombinati mehnat jamoasi yilning birinchi choragini sarhisob qildi.

OKMKda boshqaruvning to‘g‘ri yo‘lga qo‘yilishi va texnologik ishlab chiqarish rejimiga qat’iy amal qilinishi natijasida, 2022-yilning birinchi choragida barcha ishlab chiqarish bashorat ko‘rsatkichlari bajarilishiga erishildi.

Jumladan, hisobot davrida 7,6 trillion so‘mlik mahsulotlar ishlab chiqarildi. Reja 119,4 foizga uddalandi.

Shuningdek, 921,6 million so‘mlik xalq iste’moli mollari ishlab chiqarilib, reja 108,1 foizga bajarildi.

Mis rudasi qazib olish bo‘yicha reja 101,8 foizga bajarildi.

Mis katodi ishlab chiqarish va o‘sish sur’atida ham 100 foizlik natija qayd etilgan.

Mahalliy ashyodan rux metalini ishlab chiqarish bo‘yicha reja esa 101,7 foizga bajarilib, 123,5 foizlik o‘sish sur’ati ta’minlangan.

Polimetall ruda qazib olish vazifasi va o‘sish sur’atida ham bir xil 100 foizlik natija kuzatilmoqda.

Polimetall rudani qayta ishlash rejasi esa 102,8 foizga uddalanib, 102,3 foizlik o‘sish sur’ati qayd etilgan.

Oltin tarkibli ruda qazib olish rejasi 103,1 foiz, o‘sish sur’ati 101,2 foiz bo‘lgan.

Ushbu rudalarni qayta ishlash vazifasi 103 foizga bajarilib, 101,1 foizlik o‘sish sur’atiga erishilgan.

Ma’lumot sheriklik huquqi asosida tayyorlandi.