Yaqinda Ranbir Kapur o‘zining marhum otasi Rishi Kapurning so‘nggi “Sharmaji Namkeen” filmining matbuot anjumanida amakisi Randxir Kapur demensiyaning birinchi bosqichi — aqliy zaiflikni boshidan o‘tkazayotganini tan oldi.
Ranbirning so‘zlariga ko‘ra, premyeradan so‘ng amakisi unga qo‘ng‘iroq qilib, shunday degan: “Otangga u ajoyib inson ekanini ayt, uning o‘zi qayerda, kel, qo‘ng‘iroq qilaylik”.
Randxir Kapurning o‘zi esa kasalligi haqidagi ma’lumotni rad etdi. U hazil bilan: “Bunday gap yo‘q! Men juda yaxshiman. Faqat yaqinda koronavirus bilan kasallandim”, — deya xabar bergan.
Eslatib o‘tamiz, Randxir Kapur 1947-yil 15-fevralda tug‘ilgan. U Raj Kapurning birinchi farzandi bo‘lib, “Vaqt daryosi” filmida debyut rolini ijro etgan va aynan shu kartinadagi partnyori Babita bilan turmush qurgan. Aktyorning ikki nafar qizi bor: Karishma va Karina Kapur. Ular ham Bollivudda o‘z o‘rniga ega mashhur aktrisalardan hisoblanadi.
Izoh (0)