Serbiya prezidenti Aleksandr Vuchich davlat rahbarligi uchun o‘tkazilgan saylovlarda g‘alaba qozonganini ma’lum qildi, deb xabar beradi Pink TV.
“Men — birinchi turda ikki marta g‘olib chiqqan yagona insonman”, — deydi Vuchich.
Vuchichning so‘zlariga ko‘ra, u 59,9 foizdan 60,1 fozigacha ovoz to‘plagan. Prezidentlik saylovlarida Vuchichning asosiy raqibi — “Serbiya g‘alabasi uchun birdamlik” muxolif koalitsiyasidan Zdravko Ponosh esa 17,7 foiz ovoz yig‘ishga muvaffaq bo‘lgan.
Respublika saylov komissiyasi ma’lumotlariga ko‘ra, amaldagi prezidentga saylovchilarning 66,15 foizi, Panoshga — 12,52 foizi ovoz bergan. Prezidentlik saylovlarida jami sakkiz nafar nomzod ishtirok etgan.
Vuchich — “Serb taraqqiyot partiyasi”, “Serbiya sotsialistik partiyasi” hamda “Voyevodina vengerlari ittifoqi”idan tuzilgan “Aleksandr Vuchich: birgalikda barchasini uddalaymiz!” koalitsiyasidan nomzod. U 3-aprel kuni bo‘lib o‘tgan parlament saylovlarida ham g‘alaba qozongan.
Vuchichning ma’lum qilishicha, koalitsiya saylovchilarning 44 foizini qo‘llab-quvvatlashni va’da qilgan, uning asosiy raqibi, o‘nta partiyadan iborat “Yagona Serbiya” muxolif kolatsiyasi esa 13,6 foizni. Saylov komissiyasi ma’lumotlariga ko‘ra, “Birgalikda barchasini uddalaymiz!” 48,69 foiz, “Yagona Serbiya” — 9,22 foiz to‘plagan.
Serbiya yetakchisi Belgrad Rossiya bilan do‘stona va sheriklik munosabatlarini saqlash qolsihga harakat qilishini va’da berib, biror-bir harbiy ittifoqqa qo‘shilishini istisno etgan. Bundan tashqari, Serbiya yozuvchi Fyodr Dostoevskiy va kompozitor Pyotr Chaykovskiyning asarlaridan voz kechmoqchi emas.
2017-yilda Vuchich prezidentlik saylovlarida 55,08 foiz ovoz bilan g‘alaba qozngandi. May oyida u qasamyod keltirib, mamlakatni boshqarishga kirishgan. Bunga qadar u bosh vazir lavozimida faoliyat yutirgan.