Ukraina hukumatining bir oy davomida urushga sarflagan xarajatlari, taxminan, 10 milliard AQSH dollarini tashkil etadi. Ukraina Moliya vazirligi prezident Valdimir Zelenskiy rahbarligida iqtisodiy blok vakillari bilan o‘tkazilgan yig‘ilishda ma’lum qilgan, deya xabar bergan “Interfaks”.
“Yig‘ilishda moliyaviy sarf-xarajatlarning manbalari, xususan, soliq tushumlari va Ukrainaga xalqaro hamkorlar tomonidan berilayotgan yordam muhokama qilindi. Aprel oyidan soliqning soddalashtirilgan tizimiga o‘tish istiqbollari tahlil etildi”, – deyiladi xabarda.
Shuningdek, hukumat vakillari yer egalarini yoqilg‘i bilan ta’minlash va bahorgi ekin ekish kampaniyasini o‘tkazishni ham muhokama qilgan. Yoqilg‘i importining diversifikatsiya yo‘llari ko‘rib chiqilgan.
Avval Bayden Ukrainani qurol, pul va oziq-ovqat bilan ta’minlashga va’da bergani, Yevrokomissiya Ukrainaga 1,2 milliard yevro ajratishni ma’qullagani, shuningdek, yanvar boshida AQSH administratsiyasi Ukrainaga qo‘shimcha 200 million dollarlik harbiy yordam ko‘rsatishni 2021-yil dekabrida ma’qullagani, 2022-yil 1-fevralda esa AQSHdan yana 84 tonna harbiy yordam Ukrainaga yetkazib berilgani xabar qilingan. Pentagon hozirda Ukrainaga 15 ta davlatdan qurollar yetkazilganini bildirgan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)