Ijtimoiy tarmoqlarda Davlat test markazi tomonidan yangi test topshiriqlari to‘plamlari nashr etilgani haqida xabarlar tarqaldi. DTM axborot xizmati holatga munosabat bildirdi.
Qayd etilishicha, markaz tomonidan “Davr press” nashriyoti bilan hamkorlikda 2019 va 2020-yillarda umumta’lim fanlaridan test topshiriqlari to‘plamlari chop etilgan. 2021-yilda bu turdagi to‘plamlar chiqarilmagan.
Abituriyentlar 2021—2022-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlarida foydalanilgan test topshiriqlari bilan Davlat test markazining “e-DTM” tizimi (@e_dtm_bot Telegram boti) orqali onlayn tarzda va “my.dtm.uz” sayti orqali diagnostik test materiallariga buyurtma bergan holda tanishishi mumkin.
DTM direktori o’rinbosari Sardor Rajabov bu kitoblarni chiqarayotganlarga qonuniy chora ko‘rilishini ma’lum qildi.
“Davlat test markazi nomi bilan soxta qo‘llanma chiqarish qonunga xilof, albatta. Bu bo‘yicha tegishli organlarga murojaat qilamiz. Chunki bu savollarning saviyasini ko‘rib, odamlar DTMning savollar shunday ekan, deb o‘ylab qolishi tabiiy”, — deydi u.
Mavzuga doir:
Izoh (0)