Bugun,

  • USD 10940.05
  • RUB 182.26
  • EUR 11121.65

Butun Respublika bo‘yicha olib boriladigan bahorgi obodonlashtirish va ko‘kalamzorlashtirish ishlari doirasida Lukoil Uzbekistan Operating Company MChJ 2015-yildan beri har yili tashkilotning yaxshi an’anasiga aylangan va daraxt ko‘chatlarini ekish uyushtiriladigan “Yashil makon” ekologik tadbirini o‘tkazadi. Shu yillar davomida kompaniya yordami bilan Toshkent, Buxoro va Qarshi shaharlarining ko‘rkiga aylangan minglab tup daraxt ko‘chatlari o‘tqazildi.

Bu safar navbatdagi ekologik tadbir Toshkentdagi Botanika bog‘ida — poytaxtning shaharliklar yaxshi ko‘radigan joylaridan birida o‘tdi. 2-aprel kuni ertalabdan Botanika bog‘i darvozasi oldida oila a’zolari bilan yig‘ilgan Lukoil kompaniyasining xodimlari ishtiyoq bilan ishga tushishdi, qo‘llariga belkurak va chelak olib, daraxt va rang-barang gul ko‘chatlarini ekishdi. Endi Botanika bog‘i markaziy darvozasi yaqinidagi yerni turli jonivorlar ko‘rinishidagi qora archa daraxtlari, har xil tovlanadigan gullar va xushbo‘y hid taratib turadigan lavanda shodalari bezaydigan bo‘ldi. Lukoil kompaniyasi xodimlari yordami bilan shu kuni bog‘da o‘nlab manzarali daraxt ko‘chatlari ekildi.

Ekologik tadbir an’anaga ko‘ra, bayram ruhi bilan xodimlarni birlashtirish maqsadida, kompaniya xizmatchilari va ular oila a’zolarining ishtirokida o‘tadi. Hasharda, ayniqsa, bolalarning faol ishtirok etishi ekologik tadbirga tarbiyaviy tus beradi, ularga tabiatni ehtiyot qilishni, avaylashni o‘rgatadi. Bunday damlar bolalikning yorqin xotirasiga aylanib qoladi va ehtimol bir kun kelib, katta bo‘lishganida ular ham Botanika bog‘iga o‘z farzandlari bilan kelib, ularga o‘z qo‘llari bilan ekkan va o‘sha vaqtda osmonga bo‘y cho‘zib turadigan katta daraxtlarni ko‘rsatishadi.

“Bahor kelganida katta o‘g‘lim mendan: ‘Oyijon, bu yil daraxt ekishga boramizmi?’, —deb so‘radi. Besh yildan beri kompaniyamiz o‘tkazadigan ekologik tadbirlarda qatnashaman. Bu yil ikkita o‘g‘lim bilan keldim. Ko‘rib turibsiz, ekologik tadbir oilamizning ham an’anasiga aylangan”, — dedi ekologiya bo‘limining yetakchi mutaxassisi Renata Shamionova.

Lukoil o‘tkazayotgan ekologik tadbirlar respublika bo‘yicha qabul qilingan “Yashil makon” milliy loyihasiga qo‘shilgan kichik bir hissa bo‘ladi. Loyihaga ko‘ra, 2023-yilga kelib, Toshkent shahrini ko‘kalamzorlashtirish darajasi 30 foizga yetishi kerak. Loyiha doirasida O‘zbekiston bo‘yicha 200 million tup daraxt va buta ko‘chatini o‘tqazish hamda shaharlardagi yashil maydonlar sathini hozirgi 8 foizdan 30 foizga ko‘paytirish ko‘zda tutilgan.

Bunga o‘xshash ekologik tadbirlarni o‘tkazish, shaharlarni ko‘kalamzorlashtirish masalasi O‘zbekistoning issiq iqlimi va shahar qurilishining miqyosi kengayib borayotgan hozirgi sharoitda, ayniqsa, dolzarb bo‘lib turibdi.

Lukoil kompaniyasi dunyoning yuqori ekologik standartlariga amal qilib ishlaydi. Loyihalar bajarilganda tabiat resurslaridan oqilona foydalanish hamda ekologik vaziyat yaxshiligini saqlab qolish borasida, jamiyat oldida javobgar ekanini bilib harakat qilish kompaniya birinchi o‘ringa qo‘yadigan masalalardan hisoblanadi.

Reklama huquqi asosida.

Izoh
Asosiy yangiliklar
Mahalliy
O‘zbekistonliklar uchun Haj va Umra narxlarini arzonlashtirish muhokama etildi
Mahalliy
Prezident O‘qituvchi va murabbiylar kuni munosabati bilan bir guruh xodimlarni mukofotladi (ro‘yxat)
Mahalliy
Samarqandda fuqaro 5 tup qarag‘ayni kesib, tabiatga salkam 90 mln so‘m zarar yetkazdi