“Navoiy davlat konchilik va texnologiyalar universitetini tashkil etish to‘g‘risida”gi prezident qarori qabul qilindi, deb xabar beradi Telegram’dagi “Huquqiy axborot” kanali.
Qaror bilan Navoiy davlat konchilik instituti Navoiy davlat konchilik va texnologiyalar universiteti etib qayta tashkil etilgan. Universitetda sanoat, texnika-texnologiya, muhandislik sohalari uchun oliy ma’lumotli mutaxassislar va ilmiy-pedagogik kadrlar tayyorlanadi.
Qarorga ko‘ra, universitet huzurida quyidagilar tashkil etildi:
- Nukus konchilik instituti;
- “Navoiy” ilmiy-texnologiya sanoat parki.
- Karmana politexnika texnikumi;
- G‘ozg‘on politexnika texnikumi.
Universitetda 2023/2024-o‘quv yilidan texnika yo‘nalishi bo‘yicha qo‘shma ta’lim dasturlari asosida kadrlar tayyorlash yo‘lga qo‘yiladi.
Bundan oldin Samarqand davlat tibbiyot institutiga universitet maqomi berilgani, Milliy gvardiya Harbiy-texnik instituti Jamoat xavfsizligi universiteti etib qayta tashkil etilgani to‘g‘risida xabar berilgandi.
Izoh (0)