Futbol bo‘yicha Ispaniya La Ligasining 30-turidan o‘rin olgan qator uchrashuvlar 2-aprel, shanba kuni bo‘lib o‘tdi.
“Real” safarda “Selta” mehmoni bo‘ldi. Uchrashuvning 19-daqiqasida Karim Benzema penaltidan unumli foydalanib, hisobni ochdi. 52-daqiqada Nolito muvozanatni tikladi. 69-daqiqada Benzema yana bir bor penaltidan gol urib, “Real”ni oldinga olib chiqdi.
Madridliklar ochkolari sonini 69 taga yetkazib, musobaqa peshqadamligini davom ettirmoqda, “Selta” 36 ochko bilan 11-pog‘onadan joy olgan.
La Liga
30-tur bahslari
2-aprel, shanba
“Selta” — “Real” 1:2
Gollar: 0:1 – 19 Benzema (penalti), 1:1 – 52 Nolito, 1:2 – 69 Benzema (penalti).“Selta”: Dituro, Vaskes, Murilyo, Aydu, Galan, Denis Suares, Mendes (Pineda, 81), Beltran (Tapiya, 72), Nolito (Santi Mina, 72), Aspas, Galyardo (Servi, 60).
“Real Madrid”: Kurtua, Alaba, Militao (Nacho, 85), Mendi, Modrich (Valverde, 74), Kroos (Sebalyos, 85), Kazemiro, Vaskes (Karvaxal, 61), Benzema, Asensio (Rodrigo, 61), Vinisius Junior.
Ogohlantirishlar: Galan (36), Galyardo (40), Murilyo (57).
Izoh (0)