Kinodagi karyerasini o‘zgartirib yuborishi mumkin bo‘lgan rollardan voz kechgan aktyor va aktrisalar (foto)

Har qanday film juda mashhur yoki omadsiz bo‘lishi mumkin. Buni bilgan Gollivud yulduzlari ma’lum bir rolga rozi bo‘lishdan oldin uzoq vaqt o‘ylashadi. Ba’zilar tavakkal qilmaslikka qaror qiladi, oxir-oqibat barcha rekordlarni yangilaydigan filmlarda rol o‘ynashdan bosh tortishadi.

Jennifer Lopes — “Vafosiz”

Lopes katta filmografiyaga ega. Ammo u aktrisalik karyerasini o‘zgartirishi mumkin bo‘lgan “Vafosiz” filmidagi Konni rolidan voz kechgan. Jennifer rad etganidan afsusda bo‘lsa-da, bu rol aynan Dayan Leyn uchun maxsus yozilgan degan fikrda.

Bred Pitt — “Matritsa”

Matritsadagi Kianu Rivz o‘rnida boshqa birovni tasavvur qilish qiyin. Biroq Neo roli birinchi marta Bred Pittga taklif qilingan. Aktyorning so‘zlariga ko‘ra, u darhol bu rol uniki emasligini tushungan.

Maykl Kiton — “Sug‘ur kuni”

Maykl Kiton birinchi marta ekranga chiqqanidan beri ajoyib aktyor sifatida shuhrat qozondi. Biroq u ham mashhur filmlardagi rollardan voz kechgan. Ulardan biri bugungi kunda afsona sanaladigan “Sug‘ur kuni” edi. Aktyor rolni rad etganidan afsusda bo‘lsa-da, u qahramonni Bill Myurreydan yaxshiroq o‘ynay olmasligini tan oladi.

Eddi Merfi — “Rojerning quyonini kim almashtirdi?”

“Rojerning quyonini kim almashtirdi?” filmi 1980-yillarda xit bo‘lgan. Ma’lum bo‘lishicha, bosh rollardan biri avval Eddi Merfiga taklif qilingan. Komediyachi bu filmni har gal ko‘rganida rad etgani tufayli o‘zini ahmoqdek his qilishini tan olgan.

Shon Konneri — “Matritsa: qayta yuklanish”

Jeyms Bond rolini ijro etgan Shon Konneri ham “Matritsa: qayta yuklanish” filmida suratga tushishi mumkin edi, lekin faqat bir sababga ko‘ra uni rad etgan: u ssenariyni tushunmagan. Arxitektor roli oxir-oqibat Helmut Bakaitisga teggan.

Helli Berri — “Tezlik”

Helli Berri intervyularining birida “Tezlik” filmidagi rol Sandra Bullokdan oldin unga taklif qilganini aytgan. Agar u rozi bo‘lganida, film boshqacha bo‘lishi mumkin edi. O‘shanda ssenariy unga ishonarsiz bo‘lib tuyulgan va u rad etgan. Ammo filmni tomosha qilgan aktrisa qaroridan juda afsuslangan.

Mett Deymon – “Avatar”

Mettning tan olishicha, “Avatar” filmida suratga tushishdan bosh tortishi unga juda qimmatga tushgan. Uning so‘zlariga ko‘ra, u shu tufayli o‘zini dunyodagi eng ahmoq biznesmen deb his qiladi. Rad etishining asosiy sababi esa aktyorning boshqa filmda ishtirok etishga rozi bo‘lgani edi.