Iqtisodiy taraqqiyot va kambag‘allikni qisqartirish vazirligining ma’lumotlariga ko‘ra, O‘zbekistonda eksport hajmi 23-fevrladan keyin qisqargan.
Xususan, 21–27-fevral kunlari eksport hajmi 172,9 mln dollarni, 27-fevraldan 6-martgacha 166,6 mln dollarni, 6–13-martgacha esa 140,5 mln dollarni tashkil qildi:
Xuddi shu davrlar ichidagi import hajmi boshqachasiga o‘zgargan — birinchi hafta 515,6 mln dollarni tashkil qilgan bo‘lsa, ikkinchi haftada 638,9 mln dollarga o‘sgan, uchinchi hafta esa 547,5 mln dollargacha pasaygan:
Mart oyi yakuniy ko‘rsatkichlari Davlat statistika qo‘mitasi hisoboti taqdim etilganda ma’lum bo‘ladi.
Ukrainadagi urush O‘zbekistonga ta’sir qiladi
- Birinchidan, asosiy savdo sheriklari qatoriga kiruvchi Ukraina bilan savdo deyarli butunlay to‘xtadi.
- Ikkinchidan, urush sabab logistika tarmog‘i qiyinchilikka uchradi — O‘zbekistondan boshqa davlatlarga tovar yuborish qiyinlashdi.
- Uchinchidan, sanksiyalar va cheklovlar Rossiya kompaniyalari tomonidan o‘zbek tovalariga bo‘lgan talabning o‘zgarishiga olib keldi.
Avvalroq O‘zbekiston fevral oyida nima sotib olgani va sotgani haqida xabar berilgan edi.
Izoh (0)