“Shaxtyor”ning o‘ng qanot himoyachisi Vinisius Tobias “Real”ga o‘tdi. Bu haqida Ukraina jamoasi matbuot xizmati ma’lum qildi.
18 yoshli futbolchi ijara asosida 2022/23-yilgi mavsum so‘ngiga qadar madridliklar safida to‘p suradi. “Real” futbolchini 18 million yevroga sotib olish huquqiga ega bo‘ladi.
Braziliyalik 2022-yil yanvar oyida “Shaxtyor”ga borib qo‘shilgan va jamoaning yig‘inlarida ishtirok etgan. Ammo klubning birorta rasmiy o‘yinida maydonga tushmagan.
FIFA Rossiya va Ukrainada harakat qilayotgan futbolchilarga mahalliy klublar bilan shartnomani to‘xtatib qo‘yish huquqini bergan hamda ularga boshqa liga jamoalari bilan shartnoma imzolash imkoniyatini taqdim etgandi. “Real” bu qarordan unumli foydalanib, Vinisius bilan kelishuv imzolagan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)