“Manchester Yunayted” Brunu Fernandesh bilan yangi shartnoma imzoladi.
Portugaliyalik yarim himoyachi mankunianliklar bilan 2026-yilga qadar mo‘ljallangan shartnomaga imzo chekdi. Tomonlar o‘rtasidagi kelishuvga ko‘ra, bitimni yana bir mavsumga uzaytirish imkoniyati mavjud.
Fabrisio Romanoning xabariga ko‘ra, Fernandeshning yangi shartnomasi uni “qizil iblislar” safida eng ko‘p maosh oluvchi uch futbolchining biriga aylantirdi. Yarim himoyachi yiliga 14–15 million yevro maosh oladi.
27 yoshli futbolchi 2020-yil yanvar oyidan buyon “Manchester Yunayted” sharafini himoya qilib kelmoqda. Shu vaqtga qadar klubda 117 ta o‘yin o‘tkazib, 49 ta gol va 39 ta golli uzatmani o‘z hisobiga yozdirib qo‘ygan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)