Samarqand viloyatining Urgut tumanida haydovchilardan noqonuniy ravishda pul undirib kelgan shaxslar ushlandi, deb xabar beradi viloyati IIB axborot xizmati.
Ma’lum qilinishicha, Samarqand viloyat IIB JQB Uyushgan jinoyatchilikka qarshi kurash bo‘limi hamda DXX Samarqand viloyat boshqarmasi xodimlari bilan hamkorligida Urgut tumanida tezkor tadbir o‘tkazilgan.
Tadbir davomida “Urgut savdo markazi” hududiga kiruvchi asosiy yo‘lni zo‘ravonlik va o‘zboshimchalik bilan noqonuniy ravishda egallab olib, ushbu bozorga kelgan haydovchilardan pul talab qilib kelayotgan 10 nafar shaxs qo‘lga olingan.
Hozirda mazkur shaxslarga nisbatan Jinoyat kodeksining tegishli moddalari bilan jinoyat ishi qo‘zg‘atish choralari ko‘rilmoqda.
Avvalroq Samarqand viloyati Paxtachi tumanida haydovchilardan tamagirlik yo‘li bilan “o‘lpon” talab qilganlar qo‘lga olingandi.
Izoh (0)