Megawatt Motors hamda Ekologiya va atrof-muhitni muhofaza qilish davlat qo‘mitasi O‘zbekistonda yashil transportni rivojlantirish bo‘yicha hamkorlik memorandumini imzoladi. Bu haqda qo‘mita matbuot xizmati xabar berdi.
Megawatt Motors’ning ma’lum qilishicha, imzolangan hujjatga ko‘ra, 2022−2023-yillarda Toshkent shahrining barcha tumanlari va viloyatlar markazlarida elektromobillarni “tezkor” quvvatlantirish shoxobchalari o‘rnatiladi. Reja har ikki tomon tomonidan ham DXSH asosida amalga oshiriladi.
Bundan tashqari, Ekologiya qo‘mitasi davlat organlaridan birinchilardan bo‘lib o‘z avtoparkida elektromobillarga bosqichma-bosqich o‘tishni boshladi. Megawatt Motors boshqa tashkilotlar ham shunga o‘xshashidan umid qiladi.
“Biz ‘yashil’ transportni har tomonlama rivojlantirish va O‘zbekistondagi ekologik vaziyatni yaxshilashga hissa qo‘shishdan mamnunmiz”, — deyiladi xabarda.
Stansiyalar butun O‘zbekiston bo‘ylab o‘rnatiladi. Megawatt Motors elektr yonilg‘i quyish shoxobchalari “har 100 kilometrda bo‘ladi”, deb va’da qilmoqda kompaniya. Taxminiy xarajat 500 ming dollarni tashkil etadi, kompaniya hammasini o‘z mablag‘lari hisobidan to‘laydi.
Hozirda O‘zbekiston uchun Plugshare xaritasida 42 ta elektr stansiyasi ko‘rsatilgan. Ulardan 22 tasi poytaxtda, 4 tasi Toshkent viloyatida joylashgan. Samarqand, Qarshi, Namangan, Qo‘qon, Farg‘ona va Navoiy viloyatida ham stansiyalar mavjud.
Mavzuga doir:
Izoh (0)