UNG Petro Toshkent shahrida benzin quyish shoxobchalaridagi kunlik narxlarni e’lon qildi.
31-martdan boshlab Toshkent shahrida quyidagi narxlar amal qiladi.
Ai-80 va Ai-92 “Tatneft” benzin quyish shoxobchasida eng qimmat narxda sotilmoqda — 1 litr uchun mos ravishda 7 400 so‘m va 10 500 so‘m. Ai-80 uchun eng baland narx mart oyi boshida 7 990 so‘m bilan Lukoil benzin quyish shoxobchasida kuzatilgan edi. Shu tariqa Ai-80 turdagi benzinning o‘rtacha narxlarida pasayish kuzatildi.
Ai-92 eng arzon narxda Miss Petrol tomonidan taklif qilinmoqda. Ai-95 turdagi benzinni eng arzon narxda mijozlarga faqatgina Mustang quyib bermoqda — 1 litriga 9 800 so‘m.
Bundan tashqari Ai-92 va Ai-95 ning o‘rtacha narxi mart boshidan beri ko‘tarildi. Xususan, 9-martdan boshlab UNG Petro, Mustang va Lukoil’da Ai-92 mos ravishda 8 800 so‘m, 9 000 so‘m va 10 190 so‘mdan sotilayotgan edi. Endilikda uning narxi har uchchala shoxobchada ham 300 so‘mga ko‘tarildi.
Ai-95 esa mart oyi boshida UNG Petro’da 9 800 so‘m edi va 200 so‘mga ko‘tarilib 10 000 so‘m bo‘ldi. Lukoil shoxobchasida esa Ai-95 300 so‘mga ko‘tarilib 10 990 so‘mga yetdi.
IBR Petroleum Station va Poytaxt Oil benzin quyish shoxobchalarida narxlar mart oyi boshidagidek bir xil bo‘lmoqda. Ai-98 narxlari faqat UNG Petro’da 10 900 so‘m bilan ma’lum qilingan.
Butun dunyoda Rossiyaga qo‘llanilayotgan sanksiyalar tufayli neft narxi oshib bormoqda. Bu O‘zbekistonga ham o‘z ta’sirini o‘tkazadi. Eng kuchli ta’sir import xomashyosidan ishlab chiqariladigan Ai-91, Ai-92, Ai-95 va Ai-98 markalaridagi benzinga nisbatan kuzatiladi.
Izoh (0)