Niderlandiya tashqi ishlar vazirligi mamlakatdan 17 nafar rossiyalik diplomat josuslikda gumon qilingani tufayli chiqarib yuborilayotganini ma’lum qildi. Bu haqda “Nos.nl” xabar bergan.
Maxsus xizmatlar taxminlari bo‘yicha diplomatlar josuslik faoliyati bilan shug‘ullangan. Ular ikki hafta ichida Niderlandiyadan chiqib ketishi lozim. Ular mamlakatni tark etganidan keyin Niderlandiyada rossiyalik diplomatlar soni 75 nafardan 58 nafargacha qisqaradi.
Bir vaqtning o‘zida Belgiya hukumati ham 21 nafar rossiyalik diplomatning josuslikda gumon qilinib, mamlakatdan chiqarub yuborilishini bildirgan. Ular Rossiyaning Bryusseldagi elchixonasi va Antverpendagi konsulligi xodimlari. Diplomatlar ikki hafta ichida Belgiyadan chiqib ketishi shart.
Shuningdek, Irlandiya hukumati ham to‘rt nafar diplomatning o‘z maqomiga zid faoliyat bilan shug‘illangani tufayli mamlakatdan chiqarib yuborilganini ma’lum qilgan. Chexiya ham ittifoqchilar bilan birga qabul qilingan qarorga ko‘ra bir nafar rossiyalik diplomatni YI hududida Rossiya razvedka idoralari xodimlarini qisqartirish uchun yurtiga qaytarib yubormoqda.
Rossiya Ukraina hududida maxsus harbiy operatsiyalarni boshlaganidan keyin AQSH, Polsha, Bolgariya, Slovakiya, Estoniya, Latviya, Litva, Chernogoriya, Shimoliy Makedoniya kabi davlatlar josuslik faoliyatini yuritgan rossiyalik diplomatlarni o‘z hududlaridan chiqarib yuborgan. Rossiya tomoni ham bunga keskin javob qaytarmoqda va ushbu davlatlarning diplomatlarini o‘z yurtlariga qaytarib yuborgan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)