Bugun,

  • USD 11095.31
  • RUB 173.84
  • EUR 10772.44

Rossiya Mudofaa vaziri Sergey Shoygu Ukrainadagi maxsus harbiy operatsiyaning asosiy vazifalari bajarilganini, shuning uchun endi asosiy maqsad – Donbassni ozod qilishga e’tibor qaratish imkoniyati borligini aytdi.

Foto: Sputnik

Foto: Sputnik

“Ukraina qurolli kuchlarining jangovar salohiyati sezilarli darajada kamaydi, bu esa asosiy e’tibor va sa’y-harakatlarni asosiy maqsad – Donbassni ozod qilishga erishishga qaratish imkonini beradi”, — deya Shoyguning so‘zlarini keltirgan “RIA Novosti”.

Vazirning ta’kidlashicha, operatsiya olib borilgan bir oy davomida Ukraina harbiy-havo kuchlari va havo hujumidan mudofaa tizimi amalda yo‘q qilingan. 123 ta samolyot, 77 ta vertolyot, 152 ta uzoq va o‘rta masofaga mo‘ljallangan havo mudofaa tizimi ishdan chiqarilgan. “Mamlakatning dengiz kuchlari o‘z faoliyatini to‘xtatdi. Quruqlik va havo-desant kuchlarining barcha tuzilmalari katta yo‘qotishlarga uchradi”, — dedi Shoygu.

25-mart kuni Rossiya Bosh shtab bosh operativ boshqarmasi boshlig‘i Sergey Rudskoy Ukrainadagi maxsus operatsiyaning birinchi bosqichi yakunlarini sarhisob qilgandi. U asosiy vazifa “Donbassni ozod qilish”  bo‘lib qolayotganini ta’kidlagan.

O‘sha kuni Lugansk hududining 90 foizdan ortig‘i, Donetskning deyarli yarmi ishg‘ol qilingani haqida ma’lumot berilgan. Rossiya Mudofaa vazirligining bo‘linmalari Xerson viloyati va Zaporojye viloyatining katta qismi ustidan ham nazorat o‘rnatgan.

Eslatib o‘tamiz, Rossiya prezidenti Vladimir Putin 24-fevral kuni Ukrainada “maxsus harbiy operatsiya” boshlanganini e’lon qildi. U o‘z maqsadlarini Ukrainani demilitarizatsiya qilish va Donbass aholisini “genotsid”dan himoya qilish deb atadi.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Mahalliy
O‘zbekistonda pomidor narxi barqarorlashdi