Uzbekistan Airways “Sharqiy” xab loyihasi doirasida Namangan—Olmaota—Namangan yangi xalqaro yo‘nalishi bo‘yicha muntazam aviaqatnovlarni yo‘lga qo‘yadi.
Aviakompaniya matbuot xizmati xabariga ko‘ra, parvozlar 30-martdan boshlanadi va haftada ikki marta: chorshanba va shanba kunlari amalga oshiriladi.
Aviachiptalarni aviakompaniyaning rasmiy saytidan, Uzbekistan Airways Sales filialidan yoki aviakompaniya agentlaridan xarid qilib mumkin.
Eslatib o‘tamiz mart oyi boshlarida Qozog‘istonning FlyArystan aviakompaniyasi Olmaota—Namangan—Olmaota yo‘nalishida ilk parvozini amalga oshirgandi. Aeroport mutasaddilari yo‘nalishdagi parvozlarni haftada bir marotaba amalga oshirish rejalashtirilganini ma’lum qilgandi.
Izoh (0)