Toshkentda xaski zotli ikkita itni o‘ldirgan erkakka nisbatan sud majlisi bo‘lib o‘tdi. Bu haqda “Mehr va Oqibat” jamiyati xabar berdi.
2022-yilning fevral oxirida fuqaro A. Yunusobod tumanida istiqomat qiluvchi B.K.ning ikkita itini kaltaklab, o‘ldirgan.
Sud yig‘ilishi davomida xaskilarning egasi Ma’muriy javobgarlik to‘g‘risidagi kodeksning 110-moddasi (it va mushuk boqish qoidalarini buzish) bo‘yicha 135 ming so‘m jarimaga tortilgan.
Itlarni o‘ldirgan qo‘shni esa Ma’muriy javobgarlik to‘g‘risidagi kodeksning 111-moddasi (hayvonlarga nisbatan shafqatsiz munosabatda bo‘lish) bo‘yicha aybli deb topilgan. Erkakka nisbatan 1,350 million so‘m miqdorida jarima belgilangan.
Ta’kidlanishicha, “Mehr va Oqibat” vakillari sud qaroridan norozi. Sud majlisida fuqaro A. qilgan ishidan pushaymonligini bildirmagan.
Avvalroq Navoiyda noma’lum erkak bolalar ko‘z o‘ngida itni otib tashlagani, Andijonda tahqirlangan bo‘ri “xaski” zotli it bo‘lib chiqqani to‘g‘risida xabar berilgandi.
Izoh (0)