Oshxona jihozlaridan unumli foydalanishning 15 ta usuli

Oshxona jihozlarining aksariyatidan boshqa maqsadda ham foydalanish mumkin.

Muzqaymoq qoshig‘i gamburger tayyorlashga yordam beradi

Gamburger uchun bir xil kotletlarni tayyorlashning eng oson yo‘li muzqaymoq qoshig‘idan foydalanishdir. Kotletlar uchun qiymali aralashma tayyorlanadi va ularning barchasi bir xil o‘lchamda bo‘ladi. Faqat keyin uni yaxshilab yuvishni unutmaslik zarur.

Pitssa kesadigan salat uchun foydali

Pitssa kesadigan ko‘kat va boshqa salat mahsulotlarini yaxshi kesib tashlaydi va ular ajoyib ko‘rinishga keladi.

French-press qaymoq ko‘pirtirish uchun

Mikser yo‘qmi? Muammo emas. Qaymoqni french-pressga quyib, qopqog‘i mahkam yopiladi, so‘ngra qaymoq qalinlashguncha dastagi ko‘tarib tushiriladi.

Mazali choy uchun

French-press choy yoki qahva uchun ham qo‘l keladi.

Keks qolipida suvni muzlatish mumkin

Shirinlik uchun mo‘ljallangan turli shakldagi qoliplarda muz bo‘laklarini hosil qilish mumkin. Ayniqsa, ziyofat dasturxoni uchun bu ajoyib g‘oya.

Ko‘katlar uchun

Yana shunday qoliplarga zaytun yog‘i quyib, ko‘katlarni ham muzlatish mumkin. Keyingi safar sho‘rva tayyorlanganda ularni butunligicha taomga qo‘shish tavsiya etiladi.

Tuxum kesgich avokado uchun

Agar tuxum kesgichni faqat tuxum uchun foydali deb hisoblasangiz, yana o‘ylab ko‘ring. Bu avokado, sariyog‘, qo‘ziqorin, qulupnay va boshqa ko‘plab mahsulotlarni kesishi mumkin bo‘lgan juda ko‘p qirrali vositadir.

Blender tovuq maydalash uchun

Qaynatilgan tovuqni maydalash kerakmi? Faqat blenderni oling. U tovuq go‘shtini salat, sho‘rva va boshqa mazali taomlar uchun mukammal tarzda maydalaydi.

Qahva qaynatkichda suli pishirish mumkin

Qahva qaynatkich idishiga qahva o‘rniga suli yormasi solinadi va uskuna yoqiladi. U yorma ustiga qaynoq suv quyib, nonushta tayyorlaydi.

Kartoshka tozalagich selder uchun

Odatda faqat kartoshkani tozalash uchun ishlatiladigan pichoq selder, sabzi, qovoq va olmalarni tozalashda juda yaxshi ishlaydi.

Yana qulupnay ham tozalash mumkin

Kartoshka tozalagich qulupnay “dumi”larni ehtiyotkorlik bilan olib tashlaydi.

Olma kesadigan piyozni ham to‘g‘raydi

Piyozni to‘g‘rash doim ko‘zlarni achishtirsa, uni olma kesadigan yordamida kichik bo‘laklarga bo‘lish mumkin.

Qirg‘ich saryog‘ni eritishga yordam beradi

Pishirish paytida sariyog‘ni maydalash uchun oddiy qirg‘ichdan foydalanish mumkin. Bu uni muzlatkichdan oldindan olishni unutganda, uni tezroq eritishga yordam beradi. Bundan tashqari, bu moyni boshqa mahsulotlar bilan osonroq aralashtiradi.

Suzgich yordamida limon sharbati olinadi

Avval limonni siqib, keyin uning urug‘larini olib tashlashda filtrdan foydalanish mumkin. Uni suzgich ustida ushlab turib, limonni ishqalash va sharbatini yanada ko‘proq olish mumkin.

Qovun qoshig‘ida olma tozalash mumkin

Qovun qo‘shig‘i yordamida olma o‘rtasidagi qattiq qism va urug‘larni osongina olib tashlash mumkin.