Bugun,

  • USD 11095.31
  • RUB 173.84
  • EUR 10772.44

22-mart kuni kechqurun Tatariston prezidenti Rustam Minnixanov ishchi tashrif bilan O‘zbekistonga keldi, deb xabar beradi respublika prezidenti matbuot xizmati.

Foto: Tatariston prezidentining matbuot xizmati

Foto: Tatariston prezidentining matbuot xizmati

Toshkent xalqaro aeroportida uni Rossiyaning O‘zbekistondagi elchisi Oleg Malginov va O‘zbekiston bosh vazir o‘rinbosari — investitsiyalar va tashqi savdo vaziri Sardor Umurzoqov kutib olgan.

23-mart kuni Minnixanov O‘zbekiston hukumatining qator vakillari bilan muzokaralar o‘tkazishi kerak. Minnixanov mamlakatga tashrifi davomida Tataristonning “Ximgrad” texnopolisi bilan hamkorlikda “Chirchiq” kimyo-industrial texnoparkini tashkil etilishi munosabati bilan o‘tkazilayotgan marosimda qurilishga tamal toshini qo‘yadi.

O‘zbekiston prezidenti Shavkat Mirziyoyev va Tatariston prezidenti Rustam Minnixonov qarori bilan “O‘zkimyosanoat” AJ hamda “Ximgrad” texnopolislari tomonidan Toshkent viloyatining Chirchiq shahrida ishlab chiqarishni mahalliylashtirishga mo‘ljallangan sanoat parki tashkil etilmoqda.

Texnopark yuqori qiymatga ega bo‘lgan, tashqi bozorda xaridorgir va import o‘rnini bosuvchi mahsulotlar ishlab chiqarishni tashkil etish uchun xorijiy va mahalliy investitsiyalarni keng jalb qiladi. Texnoparkning faoliyat ko‘rsatish muddati keyinchalik uzaytirish imkoniyati bilan 30 yilni tashkil etadi.

Texnopark hududida MIZ uchun belgilangan alohida soliq, bojxona va valyuta tartibotlari amal qiladi. Bunda Soliq kodeksi va “Maxsus iqtisodiy zonalar to‘g‘risida”gi qonunda belgilangan soliq imtiyozlari, shuningdek, bojxona to‘lovlari bo‘yicha imtiyozlar texnopark ishtirokchilari, direksiya va boshqaruv kompaniyasi tomonidan kiritilgan investitsiyalar hajmidan qat’i nazar, 10 yil muddatga beriladi.

Texnopark ishtirokchilariga Tadbirkorlik faoliyatini qo‘llab-quvvatlash davlat jamg‘armasi tomonidan investitsiya loyihalarini amalga oshirish doirasida, shu jumladan, aylanma mablag‘larni to‘ldirish uchun beriladigan bank kreditlari summasining 50 foizigacha, biroq 8 milliard so‘mdan ko‘p bo‘lmagan miqdorda kafilliklar, investitsiya loyihalarini amalga oshirish uchun ajratiladigan kreditlar bo‘yicha foiz xarajatlarini qoplash uchun kompensatsiyalar taqdim etiladi.

Izoh
Asosiy yangiliklar
Maslahatlar
Qishda kasal bo‘lmaslikning sinalgan 5 ta usuli
Mahalliy
“O‘zbekiston milliy elektr tarmoqlari” boshqaruvi raisi va yana 3 mas’ulga hayfsan berildi
Dunyo
“Rossiya bahorda yangi hujum boshlash uchun Ukrainadagi urushni muzlatmoqchi” — Stoltenberg