2022-yilning fevral oyida avtomobil to‘xtash joylari xizmatlarining narxlari yanvar oyiga nisbatan, ya’ni bir oyda o‘rtacha 0,3 foizga qimmatlashdi. Bu haqda Davlat statistika qo‘mitasi xabar berdi.
Avtomobil to‘xtash joylari xizmatlarining narxlari 2021-yilning mos davri bilan solishtirilganda, ya’ni bir yilda o‘rtacha 12,1 foizga qimmatlashgan.
Avvalroq 2022-yilda Toshkentning 10 ta markaziy ko‘chalarda davlat-xususiy sheriklik asosida avtomobillarning avtomatlashtirilgan yo‘l bo‘yi pullik to‘xtash joylari tashkil etilishi to‘g‘risida xabar berilgandi. Xususan, Fidokor, Amir Temur, Nukus, Bratislava, Mirobod, Glinka, Avliyoota, Shevchenko, Said Baraka, Moshtabib va Yakub Kolas ko‘chalarida.
Shuningdek, Toshkent shahrining magistral ko‘chalari, jumladan, Keles yo‘li, Ahmad Donish, Bog‘ishamol, Buyuk ipak yo‘li, Maxtumquli, Farg‘ona yo‘li, Lutfiy, Beshqayrag‘och, Ko‘kcha darvoza va Beruniy ko‘chalaridagi 11 ta avtobus yo‘nalishida alohida bo‘laklar tashkil etiladi. Bu ishlar 2026-yilga qadar amalga oshiriladi. Joriy yil oxirgi choragida faqat Ahmad Donish ko‘chasida alohida yo‘lak ishga tushiriladi.
Izoh (0)