Navoiy viloyatida iste’molga yaroqsiz go‘sht mahsulotlarini olib ketayotgan yuk mashinasi to‘xtatib qolindi. Bu haqda “Mening yurtim” telekanalining “Markaziy studiya” dasturida ma’lum qilindi.
Buxoro—Toshkent yo‘nalishida harakatlanib ketayotgan Isuzu avtomashinasi Navoiy yo‘l-patrul maskanida to‘xtatib, tekshirilgan. Tekshiruv davomida mashina yukxonasida jami 1 tonna kelib chiqishi noma’lum bo‘lgan go‘sht borligi aniqlangan.
Noma’lum go‘sht mahsulotlari laboratoriya tekshiruvdan o‘tkazilgan va ular iste’molga yaroqsiz deb topilgan. Mazkur go‘sht mahsulotlari belgilangan tartibda hujjatlashtirilib, xolislar ishtirokida yoqib yuborilgan.
Avvalroq Qashqadaryodan Toshkentga olib ketilayotgan 900 kg noma’lum hayvon go‘shti to‘xtatib qolingani to‘g‘risida xabar berilgandi. Ushbu go‘sht mahsulotlarining iste’molga yaroqliligini tekshirish maqsadida muzxonaga vaqtinchalik saqlash uchun joylashtirilgan. Keltirilgan go‘sht namunalari iste’molga yaroqsiz deb topilgan va belgilangan tartibga utilizatsiya qilingan.
Mavzuga doir:
- Qashqadaryodagi xonadonda eshak so‘yilgani tasvirlangan video tarqaldi
- Jizzaxda sanitariya qoidalariga zid ravishda olib ketilayotgan 184 kg go‘sht aniqlandi
- Farg‘onada 14,5 tonna go‘shtni ko‘mir ostiga yashirib, Tojikistonga olib o‘tishga uringan shaxslar aniqlandi
- Qashqadaryoda Cobalt yukxonasidan hujjatsiz 230 kg go‘sht topildi
Izoh (0)