Havaskor boksda Bahodir Jalolovni 2 marta mag‘lub etgan Kamshibek Kunkabayev 25-mart kuni Farrux Jo‘rayev bilan jang qiladi

O‘zbekistonlik bokschi Farrux Jo‘rayev (6-5-1, 2 KO) 25-mart kuni Qozog‘iston vakili Kamshibek Kunkabayevga qarshi ringga ko‘tariladi.

Kunkabayev JAR vakili Jonni Millerga qarshi ringga ko‘tarilishi kerak edi. Biroq afrikalik bokschi jarohat olgan va shu sababli Kamshibekka boshqa raqib topilgan.

Ma’lumot uchun, Jo‘rayev so‘nggi marotaba 2021-yilning noyabr oyida ringga ko‘tarilgan. O‘shanda u qozog‘istonlik boshqa bokschi Bekzad Nurdauletovga ochkolar evaziga yutqazib qo‘ygandi.

Qayd etish kerak, Kambishek Kunkabayev havaskor boksda o‘zbekistonlik bokschi Bahodir Jalolov bilan 6 marta to‘qnash kelgan. Shulardan 4 tasida Jalolov, 2 tasida esa Kunkabayevning qo‘li baland kelgan.