O‘zbekiston musulmonlari idorasi Umra safari narxlari yana oshishi mumkinligini ma’lum qilgandi. Idoraning xabar berishicha, 18-mart kuni Haj va Umra tadbirlarini tashkil etish va o‘tkazish masalalari bo‘yicha Jamoatchilik kengashining navbatdagi yig‘ilishi bo‘lib o‘tdi.
Qayd etilishicha, hozirgi kunda Ramazon oyida Umra ziyoratini yuqori saviyada tashkil etish bo‘yicha hamkor shirkat mas’ullari bilan o‘zaro muloqot olib borilmoqda.
Xususan, Ramazon va Shavvol oylari uchun yangi shartnoma loyihalari ishlab chiqilgan. Bunda ziyoratchilarga xizmat ko‘rsatish sifatini yuqori saviyada tashkil etish masalasiga alohida e’tibor qaratilgan.
Hamkor shirkat tomonidan Saudiyada karantin talablari yumshatilgani sabab dunyo mamlakatlaridan Umra ziyoratiga keluvchilar soni keskin oshib ketgani, bu esa mehmonxona ijarasi narxining sezilarli ko‘tarilishiga sabab bo‘lishi, transport, oziq-ovqat, viza to‘lovlarini hisobga olgan holda har bir ziyoratchi uchun belgilangan to‘lov summasiga qo‘shimcha to‘lov qilinishi ma’lum qilingani aytildi. Yig‘ilishda bildirilgan taklif va fikr-mulohazalar inobatga olinib, tegishli qarorlar qabul qilindi.
Mavzuga doir:
- Saudiya Arabistoniga safar qiladigan ziyoratchilar uchun PZR-test ma’lumotini taqdim etish tartibi bekor qilindi
- Toshkentda 2,2 ming dollar evaziga fuqarolarni soxta pasportlar yordamida Umra ziyoratiga jo‘natib kelganlar ushlandi
- “Umrachilar soni 10 ming nafarga yetdi, yana qancha boradiganlar bo‘lsa, shuncha o‘rin beriladi” — Musulmonlar idorasi raisi
Izoh (0)