Buxoro viloyati Qorako‘l tumanida 8 gektar yerni rasmiylashtirib berish evaziga pul talab qilgan shaxs qo‘lga olindi.
Ma’lum qilinishicha, Qorako‘l Davlat o‘rmon xo‘jaligi xodimi mahalliy MChJga tegishli 5 gektar va boshqa bir fuqaro boshqaruvidagi fermer xo‘jalikning 3 gektari, jami 8 gektar yer maydonini 16 ming dollar evaziga mansabdor tanishlari orqali xaridor nomiga rasmiylashtirib berishni va’da qilgan. Ushbu shaxs kelishilgan pulni olgan vaqtida DXX va Bosh prokuratura huzuridagi departamentning viloyat boshqarmalari xodimlari tomonidan ushlangan.
Hozirda mazkur holat yuzasidan jinoyat ishlari qo‘zg‘atilib, tergov harakatlari olib borilmoqda.
Avvalroq Navoiyda tadbirkorga yer olib berish uchun 140 ming dollar so‘ragan shaxslar ushlangani, Ohangaron hokimligi xodimi 20 ming dollar pora bilan qo‘lga tushgani, Toshkent viloyatida prezidentning maxsus farmoni bilan ajratilgan yerni 800 ming dollarga sotishga uringan shaxslar aniqlangani to‘g‘risida xabar berilgandi.
Mavzuga doir:
- Toshkent viloyatida ijaradagi 30 sotix yerni qariyb 340 mln so‘mga sotgan shaxslar ushlandi
- Samarqandda o‘rmon xo‘jaligiga tegishli 4 gektar yerni 30 ming dollarga sotishga uringan advokat ushlandi
- Toshkent viloyatida 13,7 gektar yerni 3,4 mln dollarga sotmoqchi bo‘lgan investitsiyalar va tashqi savdo boshqarmasi xodimi ushlandi
Izoh (0)