Futbol bo‘yicha Yevropa Ligasi 1/8 final bosqichining javob bahslari 17-mart, payshanba kuni bo‘lib o‘tdi.
“Barselona” “Galatasaray” mehmoni bo‘ldi. 27-daqiqada mehmonlar hisobni ochishning uddasidan chiqdi. Burchak zarbasidan oshirib berilgan to‘pni Markao Teysheyra boshi bilan darvozaga joylab qo‘ydi. Oradan 10 daqiqa o‘tar-o‘tmas Pedri jarima maydonchasi ichida ajoyib harakatlarni amalga oshirgan holda muvozanatni tikladi. Jamoalar tanaffusga shu hisobda yo‘l oldi.
Ikkinchi 45 daqiqalik avvalida Pyer-Emerik Obameyang mehmonlarni hisobda oldinga olib chiqdi. Shundan so‘ng darvozalar boshqa ishg‘ol etilmadi.
Shu tariqa katalon klubi irodali g‘alabani tantana qilgan holda Yevropa Ligasining 1/4 final bosqichiga yo‘l oldi. Jamoalar Kataloniyadagi dastlabki bahsida 0:0 hisobi qayd etilgandi.
Yevropa Ligasi
1/8 final o‘yinlari, javob bahslari
17-mart, payshanba
“Galatasaray” — “Barselona” 1:2
Gollar: 1:0 – 28 Markao Teysheyra, 1:1 – 37 Pedri, 1:2 – 49 Obameyang.“Galatasaray”: Penya, Boe, Markao Teysheyra, Nelsson, van Anxolt (Bayram, 85), Antalyali, Chiqildeu (Morutsan, 74), Aqturko‘g‘lu, Kutlu, Babel (Dervisho‘g‘lu, 74), Gomis (Muhammad, 63).
“Barselona”: ter Stegen, Dest (Arauxo, 56), Pike (Langle, 81), Erik Garsiya, Alba, Buskets, de Yong (Gavi, 68), Pedri, Obameyang (Depay, 82), Traore (Dembele, 46), Ferran Torres.
Ogohlantirishlar: Buskets (27), Markao Teysheyra (29), Erik Garsiya (41), van Anxolt (72), Gavi (79), Alba (87), Bayram (90).
Dastlabki o‘yin – 0:0.
“Bayer” Germaniya – “Atalanta” Italiya 0:1
Gol: 0:1 – 90 Boga.Dastlabki o‘yin – 2:3.
“Monako” Monako – “Braga” Portugaliya 1:1
Gollar: 0:1 – 19 Abel Ruis, 1:1 – 90 Disasi.Dastlabki o‘yin – 0:2.
“Srvena Zvezda” Serbiya – “Reynjers” Shotlandiya 2:1
Gollar: 1:0 – 10 Ivanich, 1:1 – 56 Kent, 2:1 – 90, penalti Ben-Nabuan.Dastlabki o‘yin – 0:3.
Izoh (0)