Shveysariyaning Nyon shahrida 18-mart, juma kuni Konferensiyalar Ligasi 1/4 va 1/2 final bosqichiga qur’a tashlandi.
Eldor Shomurodov to‘p surayotgan “Roma” chorak finalda “Bundyo Glimt” bilan to‘qnash keladi. Qayd etib o‘tish joiz, rimliklar ushbu jamoa bilan bir guruhdan o‘rin olgan edi. Joze Mourinyo shogirdlari bitta o‘yinda mag‘lubiyatga uchragan bo‘lsa, yana bir o‘yinda durang natija qayd etilgan.
1/4 finali qur’asi quyidagicha ko‘rinish oldi:
- “Budyo Glimt” — “Roma”
- “Feyenoord” — “Slaviya Praga”
- “Marsel” — “PAOK”
- “Lester” — “PSV”
Yarim finalda to‘rtinchi juftlik g‘olibi birinchi juftlik g‘olibi bilan o‘ynaydi. Ikkinchi juftlikda zafar quchgan jamoa esa uchinchi juftlik g‘olibi bilan bahs yuritadi.
Chorak finalning dastlabki o‘yinlari 7-aprel kuni bo‘lib o‘tadi, javob bahslari esa 14-aprelga belgilangan. Yarim final bellashuvlari esa 28-aprel va 5-mayda o‘tkaziladi.
Izoh (0)