Taniqli turk aktyori O‘zjan Deniz Feyza Aktan bilan ajrashgach, yana oila qurishga qaror qildi.
Bu safar O‘zjanning qalbini eronlik 27 yoshli dizayner – Samar Dadgar zabt etdi. Aktyorning o‘zi unga turmush qurish taklifini bildirganini ma’lum qilgan.
Xabar berilishicha, Samar taklifga rozilik bildirgan, ammo O‘zjanning onasi bu nikohga va o‘g‘lining navbatdagi o‘zidan ancha yosh qiz bilan munosabatiga qarshi.
Ma’lum bo‘lishicha, dizayner va turkiyalik mashhur aktyorning o‘rtasidagi ishqiy munosabatlar 2021-yilning yozida O‘zjanning “Seni uzoq kutdim” nomli yangi loyihasini suratga olish vaqtida boshlangan. Juftlik munosabatlarini uzoq vaqt sir saqladi, ammo his-tuyg‘ular jiddiy ekaniga ishonch hosil qilgandan so‘ng, uni oshkor qilishga qaror qildi.
Eslatib o‘tamiz, O‘zjan Deniz o‘zbek tomoshabinlariga “Ishkomli uy”, “Iyun oqshomi” va “Istanbullik kelin” seriallari orqali tanish.
Izoh (0)