Sport zaliga bormasdan sarviqomat bo‘lishning 7 ta oson usuli

Sport zali sog‘lom va sarviqomat bo‘lishning oltin standartidir, ammo bugungi kunda usiz ham salomatlikni saqlashning ko‘plab usullari mavjud. Quyida minimal uskunalar va xarajatlar bilan bajarilishi mumkin bo‘lgan bir qancha tanlovlar mavjud.

Arqonda sakrash

Eng ko‘p energiya talab qiladigan mashg‘ulot turlaridan biri arqonda sakrash bo‘lib, bu bilan soatiga 1000-1200 kaloriya sarflash mumkin. Arqondan sakrash – chidamlilikni oshirish, yurak-qon tomir va nafas olish tizimlarining faoliyatini yaxshilash uchun yaxshi kardiomashq. Mashq qilish butun organizmning mushaklarini harakatga keltiradi: oyoq, qo‘l, yelka, qorin va bel.

Zinadan ko‘tarilish

Bu usul yaxshi, chunki zina yordamida har qanday joyda mashq qilish mumkin. Masalan, uyda yoki ofisda. Yuk oyoq, son va boldir mushaklarini o‘z ichiga oladi. Bundan tashqari, harakatlanish davomida yurak urishi, qon aylanishi tezlashadi va ichki organlarni kislorod bilan ta’minlash yaxshilanadi.

Velosipedda yurish

Bahorning ikkinchi oyi velosipedda sayr qilish uchun yaxshi vaqtdir. Bu oyoq, qorin va orqa mushaklari uchun eng yaxshi kardiomashq. Quyi tezlikda va qisqa dam olishlar bilan ushbu mashqni takrorlash salomatlik uchun foydalidir.

Yugurish

Immunitet tizimi, bo‘g‘imlar, nafas olish tizimini mustahkamlash, chidamlilik va bu yugurishdan olinadigan barcha afzalliklari emas. Shu bilan birga, u jismoniy faoliyatning eng oddiy va eng arzon turlaridan biri bo‘lib qolmoqda. Yugurish paytida metabolizm tezlashadi, to‘qimalar kislorod bilan to‘yingan va baxt gormoni dofamin ishlab chiqariladi.

Yurish

Yurishda yugurishdan ko‘ra kamroq kaloriya sarflanadi, ammo u immunitetni mustahkamlaydi, kayfiyatni yaxshilaydi va stressga qarshi kurashda yordam beradi. Yurish uchun xiyobonga borib, u yerda bir necha soat o‘tkazish shart emas. Ofis atrofida yurish, ish paytida koridorda sayr qilish yoki ishdan keyin uzoq metro stantsiyasiga piyoda borish mumkin.

Raqs

Buning uchun raqs kurslariga yozilish yoki uyda shunchaki raqsga tushish mumkin. Raqs nafaqat tananing barcha mushaklarini chiqaradi, balki energiyani oshiradi ham. Shunchaki quloqchinlarni taqib, sevimli musiqani qo‘yish va organizm o‘zini qanday his qilsa, shunday harakat qilishiga imkon berish tavsiya etiladi.

Ish joyida mashq qilish

Ko‘pchilik to‘g‘ri turish va o‘tirish holatiga rioya qilmaydi. Kun bo‘yi belni tik ushlab turish juda qiyin, shuning uchun bel charchagan bo‘lsa, ish stolida biroz shug‘ullanishga harakat qilish lozim. Oddiy mashqlar qon aylanishni yaxshilaydi, uzoq vaqt qotib qolgan mushaklarni harakatga keltiradi va organizmni yaxshi his qilishga yordam beradi.