Toshkent shahrida joylashgan bozordalardan birining direktor o‘rinbosari savdo joyini ajratish uchun pul olgan vaqtida ushlandi, deb xabar beradi IIV JQBB Korrupsiya va iqtisodiy jinoyatlarga qarshi kurashish boshqarmasi.
7-mart kuni Toshkent shahar IIBBga fuqaro ariza bilan murojaat qilib, unda “Eski jo‘va dehqon bozori” AJ direktori o‘rinbosari bozor hududidan savdo joyini ajratib berishi uchun 300 dollar berishini talab qilayotganini ma’lum qilib, unga nisbatan qonuniy chora ko‘rishni so‘ragan.
Mazkur arizaga asosan, shu kuni Toshkent shahar IIBB JKB Korrupsiya va iqtisodiy jinoyatlarga qarshi kurashish bo‘limi tomonidan tomonidan tezkor tadbir o‘tkazilgan. Tadbir davomida “Eski jo‘va dehqon bozori” direktorining xavfsizlik bo‘yicha o‘rinbosari shu bozorda quruq meva pavilyoni sotuvchisi orqali ariza muallifidan 300 dollarni olgan vaqtida ashyoviy dalillar bilan ushlangan.
Holat yuzasidan 2022-yil 8-mart kuni Toshkent shahar IIBB Tergov boshqarmasi tomonidan Jinoyat kodeksining 168-moddasi (firibgarlik) 3-qismi bilan jinoyat ishi qo‘zg‘atilib, tergov harakatlari olib borilmoqda.
Avvalroq Samarqandda bozorqo‘mdan 1600 dollar undirgan tovlamachilar qo‘lga olingani to‘g‘risida xabar berilgandi.
Mavzuga doir:
- Qarshidagi oziq-ovqat bozori bozorqo‘mi 900 ming so‘m bilan “qo‘lga tushgani” aytildi. Viloyat IIB ma’lumotni tasdiqladi
- Toshkentda “Chorsu”dagi savdo joyi uchun 500 dollar pora so‘ragan bozor xodimi qo‘lga tushdi
- Andijonda dehqon bozoridan savdo rastasi ajratib berishni va’da qilgan shaxs fosh qilindi
Izoh (0)