“O‘zgidromet” respublika bo‘yicha vaqti-vaqti bilan yomg‘ir yog‘ishi bilan kuzatiladigan beqaror ob-havo keyingi haftaning birinchi yarmigacha saqlanib turishini ma’lum qildi.
Qayd etilishicha, dam olish kunlari respublika hududining katta qismida yomg‘ir yog‘adi, ba’zi joylarda kuchli bo‘ladi, momaqaldiroq bo‘lishi mumkin. Faqat Qoraqalpog‘istonda va Xorazm viloyati ayrim hududlarida yog‘ingarchilik kamroq bo‘ladi.
Respublikaning tog‘li hududlarida yog‘ingarchilik yomg‘ir va qor ko‘rinishida, ba’zi joylarda kuchli bo‘ladi. Respublika bo‘yicha ba’zi joylarda shamol 17-22 metr/sekundgacha kuchayadi, momaqaldiroq paytida shamol tezligi 25-28 metr/sekundga yetishi mumkin.
Havo harorati 17-20 daraja iliqdan 13-16 daraja iliqqacha asta-sekin ko‘tariladi.
Tog‘oldi va tog‘li hududlarda sel kelishi, tog‘larda qor ko‘chishi xavfi bor.
Respublika hududi bo‘yicha beqaror ob-havo saqlanib turishi atmosferada juda faol janubiy frontal zonalarni mavjudligi hisobiga, respublika hududiga doimiy ravishda nam bulutli massivlar kirib kelishini hosil qiladi.
Markaz ma’lumotiga ko‘ra, 2021-yilning martida ham O‘zbekistonda tez-tez yomg‘ir yog‘ishi bilan ob-havoning huddi shunday holati kuzatilgan. Toshkentda yomg‘irli kunlar soni 21 kunni tashkil etgan.
Izoh (0)