Toshkent va Urganchdan Sankt-Peterburgga qo‘shimcha aviaqatnovlar yo‘lga qo‘yiladi

Uzbekistan Airways Toshkent va Urganchdan Rossiyaning Sankt-Peterburg shahriga qo‘shimcha aviaqatnovlarni yo‘lga qo‘ydi, deya xabar qilmoqda kompaniya matbuot xizmati.

“Yo‘lovchilar orasida talab ortishi munosabati bilan Uzbekistan Airways Toshkent–Sankt-Peterburg–Toshkent va Urganch–Sankt-Peterburg–Urganch yo‘nalishlari bo‘yicha qo‘shimcha aviaqatnovlarni yo‘lga qo‘yadi.

Toshkent–Sankt-Peterburg–Toshkent yo‘nalishi bo‘yicha qo‘shimcha aviaqatnovlar 2022-yilning 16- va 23-mart kunlari, Urganch–Sankt-Peterburg–Urganch yo‘nalishi bo‘yicha esa 17-, 20- va 23-mart kunlari amalga oshiriladi”, – deyiladi xabarda.

Bundan avval Toshkentdan Qozon va Novosibirsk shaharlariga, Toshkentdan Moskva va Sankt-Peterburg shaharlariga hamda Toshkentdan Novosibirskka qo‘shimcha aviaqatnovlar amalga oshirilishi haqida xabar berilgandi.