Ichki ishlar vazirining tegishli buyrug‘i bilan Samarqand viloyatidagi Narpay, Samarqand, Oqdaryo tumanlari hamda Samarqand shahri ichki ishlar bo‘limlariga yangi rahbarlar tayinlandi. Bu haqda viloyat IIB xabar qildi.
Qayd etilishicha, Narpay tuman IIB rahbarligiga podpolkovnik Bahodir Rahmatov tayinlangan. Samarqand tumani IIB boshlig‘i lavozimiga podpolkovnik Anvarjon Rahmatov, Oqdaryo tumani IIB rahbarligiga podpolkovnik Abror Valiyev tayinlangan.
Shuningdek, Samarqand shahar bo‘yicha IIO FMB rahbarligiga polkovnik Ismatjon Ibragimov tayinlangan. Viloyat IIB boshlig‘i polkovnik Rahmat Mamatov o‘tkazgan yig‘ilishda ular shaxsiy tarkibga tanishtirilgan.
Izoh (0)