“PSJ” Chempionlar Ligasi 1/8 final bosqichida “Real”ga mag‘lub bo‘lib (1:3, 1:0), musobaqani tark etdi.
Parijliklar vakillari Neymar va Janluijji Donnarumma “Real”ga qarshi o‘yindan so‘ng kiyinish xonasida janjallashib ketgan, deya xabar qilmoqda Marca.
Futbolchilar o‘yin natijasi bo‘yicha jiddiy bahslarga kirishgan. Xususan, maydonda yo‘l qo‘yilgan xatolar uchun bir-birini ayblagan.
Braziliyalik futbolchi Donnarumma madridliklarning birinchi golida xato qildi deb hisoblagan bo‘lsa, italiyalik darvozabon “Real”ning ikkinchi goliga Neymar o‘z epizodini oxirigacha yetkazmagani sabab bo‘lganini ta’kidlagan.
Mojaro mushtlashuvga aylanib ketishiga oz qolgan. Ikkala futbolchini Parij klubining boshqa a’zolari tinchlantirgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)