Toshkent viloyati Olmaliq shahrida tadbirkordan pora talab qilgan bosh muhandis qo‘lga olindi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Olmaliq shahar bo‘limi tomonidan IIB bilan hamkorlikda tezkor tadbir o‘tkazilgan. Unda Toshkent suv ta’minoti MChJ Olmaliq shahar bo‘limining U.U. ismli bosh muhandisi O. nomli bog‘dorchilik-uzumchilik shirkatiga qarashli hududda teri mahsulotlarini qayta ishlab chiqarish sexi uchun suv quvurini o‘tkazishga texnik shart va loyiha-smeta hujjatlarini rasmiylashtirib berishni va’da qilgani aniqlangan. Evaziga tadbirkor X.dan 900 dollar pora talab qilib, 9,8 million so‘mni olgan vaqtida ashyoviy dalillar bilan ushlangan.
Holat yuzasidan Jinoyat kodeksining 210-moddasi (pora olish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Mavzuga doir:
- Buxoroda tadbirkorning noqonuniy faoliyat yuritishiga ruxsat berish evaziga undan oyiga 500 ming so‘mdan pul undirib kelgan soliqchi qo‘lga olindi
- Samarqandda darslarga qatnashmasdan, 20 kunda “prava” olib berishni va’da qilgan xususiy maktab rahbari ushlandi
- Toshkentda gaz ta’minoti bo‘limi mas’ul rahbari pora bilan qo‘lga tushdi
Izoh (0)