Lionel Messi ketma-ket 9 o‘yindan buyon “Real”ga gol ura olmayapti

Lionel Messi 2018-yildan buyon “Real”ga gol ura olmayapti.

“PSJ” hujumchisi “Real”ga qarshi ikkala o‘yinda ham darvozani ishg‘ol qila olmadi.

Argentinalik futbolchi ketma-ket 9 o‘yindan buyon Madrid klubi darvozasiga gol ura olmayapti. So‘nggi marta 2018-yil may oyida “Real”ga gol urgandi. Bundan tashqari, bu o‘yinlarda Messi golli uzatma ham amalga oshirmadi.

Lionel “Madrid”ga qarshi 47 ta o‘yinda maydonga tushgan va 26 ta gol va 14 ta golli uzatmani amalga oshirgan.

Messi 15 yildan so‘ng ilk bor Chempionlar Ligasi pley-off bosqichida birorta gol ura olmadi. Argentinalik so‘nggi bor 2006/07-yilgi mavsumda “Barselona” safida “Liverpul”ga qarshi 1/8 final o‘yinlarida (1:2, 1:0) darvozani ishg‘ol qila olmagandi.

Lionel Messi ketma-ket 7-marta Chempionlar Ligasi finaliga chiqa olmadi. Hujumchi oxirgi marta “Barselona” bilan birga 2014/15-yilgi mavsumda “Yuventus”ga qarshi final o‘yinida ishtirok etgandi.

“Real” futbolchilari 35 yoshli Messiga o‘yin davomida biror marta ham qo‘pollik ishlatmadi. Kilian Mbappega ikki, Neymarga esa to‘rt marta qo‘pol harakat qilindi.

Messi 2021/22-yilgi mavsumda “PSJ” safida barcha musobaqalarda 25 ta o‘yinda maydonga tushib, 7 ta golga mualliflik qilgan.