“Fuqarolik kuchi” muxolifat konservativ partiyasi nomzodi Yun Sok Yol milliy saylov komissiyasi ovozlarni 100 foizlik natijalarini hisob-kitob qilganidan keyin prezidentlik saylovlarida g‘alaba qozondi. Bu haqda “RIA Novosti” xabar qilgan.
Janubiy Koreyada prezidentlik saylovlari 9-mart kuni bo‘lib o‘tdi, unda ro‘yxatga olingan saylovchilarning 77,1 foizi ishtirok etgan, ya’ni 44 million saylovchilarning 34 millioni qatnashgan.
Prezidentlik uchun asosiy nomzodlar mamlakatdagi hukmron Birlashgan demokratik partiya vakili Li Chje Myon va uning asosiy raqibi “Fuqarolik kuchi” muxolifat konservativ partiyasi nomzodi Yun Sok Yol edi. Uchinchi ommalashgan nomzod markaziy “Xalq partiyasi” vakili An Chxol Su saylovlardan avval Yun Sok Yol nomzodini qo‘llab-quvvatlashini ma’lum qilgan.
Koreya milliy saylov komissiyasi hisob-kitoblardan keyin Yun Sok Yolning 48,56 foiz ovoz olgani, Li Chje Myon esa 47,83 foizlik natijani qayd etganini ma’lum qilgan.
Mavzuga doir: Janubiy Koreyada prezidentlik saylovlari oldidan hukmron partiya yetakchisiga hujum qilindi (video)
U konstitutsiya va hozirda ko‘pchilik o‘rinni demokratlar egallab turgan parlament ruhini hurmat qilishi va demokratik partiya bilan kuchlarni birlashtirish xususida gapirgan.
Siyosatchi saylovlarda mag‘lub bo‘lgan Li Chje Myon va 2,37 foiz ovoz olgan “Adolat partiyasi” nomzodi Sim San Chjonga hamdardlik bildirgan.
Sobiq bosh prokuror Yun Sok Yolning siyosatga kirib kelganiga uncha ko‘p vaqt bo‘lmagan. U 2020-yil oxiridan xalq orasida ommalashgan, o‘shanda prokuraturadagi hukumat islohotlarini tanqid qilgan va OAVda tez-tez tilga olina boshlangan. Konservativ saylovchilarga uning hozirda sobiq prezidentga aylangan, demokratlar vakili Mun Chje Myon hamda sobiq adliya vaziri Chxu Mi Ega qarshi kurashishi o‘ziga jalb qilgan.
Yun Sok Yol hukumatning mas’uliyatsiz va korrupsiyalashganini qayd etgan, rahbarlarni hukumatni “o‘zlashtirish” va davlatni “o‘marish”da ayblagan. Shundan keyin bosh prokuror bir qator axloqiy va yuridik qoidabuzarliklarda ayblandi, bir necha marta ishdan chetlatildi, yakunda sudda o‘z huquqlarini himoya qildi. 2021-yil mart oyida o‘z lavozimini tark etdi va prezidentlik saylovlarida mustaqil nomzod sifatida ro‘yxatdan o‘tgan, biroq keyinchalik “Fuqarolik kuchi” partiyasiga qo‘shilgan.
Izoh (0)