Toshkent—Yekaterinburg—Toshkent yo‘nalishi bo‘yicha 13 va 20-mart kunlari qo‘shimcha aviaqatnovlar joriy etiladi. Bu haqda Uzbekistan Airways xabar qildi.
Qayd etilishicha, parvozlar jadvali quyidagicha:
- Toshkentdan uchish: 19:00 (Toshkent vaqti bilan)
- Yekaterinburgga yetib borish: 22:00 (Yekaterinburg vaqti bilan)
- Yekaterinburgdan uchish: 23:40 (Yekaterinburg vaqti bilan)
- Toshkentga yetib borish: 02:30 (Toshkent vaqti bilan)
Avvalroq Rosssiyaning iFly aviakompaniyasi 5-mart sanasidan boshlab O‘zbekistonga bajarilishi kutilayotgan hamda barcha rejalashtirilgan yo‘nalishlarda o‘z parvozlarini noma’lum muddatga to‘xtatgandi. Shuningdek, Smartavia aviakompaniyasi ham 7-mart kuniga rejalashtirilgan Moskva—Urganch—Moskva yo‘nalishidagi parvozni bekor qildi.
Eslatib o‘tamiz, Uzbekistan Airways esa Rossiya havo hududining bir qismi yopilishi bilan bog‘liq cheklov sabab bir qator shaharlarga parvozlar jadvali va yo‘nalishini o‘zgartirdi. Unga ko‘ra, 3-martdan 26-martgacha O‘zbekiston—Sochi—O‘zbekiston yo‘nalishida qo‘shimcha qatnovlar joriy etilib, Krasnodar va Rostov-Don shaharlariga rejalashtirilgan parvozlar Sochi shahriga amalga oshiriladi.
Izoh (0)