Toshkent viloyati Olmaliq shahrida qimmatbaho metall o‘g‘irlagan ishchilar qo‘lga tushdi. Bu haqda Davlat xavfsizlik xizmati xabar qildi.
Qayd etilishicha, DXXning Toshkent viloyati boshqarmasi xodimlari va boshqa huquqni muhofaza qiluvchi organlar hamkorligida tezkor tadbir o‘tkazilgan. Unda olmaliqlik X.F “Olmaliq KMK” AJning bir guruh ishchilari bilan jinoiy til biriktirgani aniqlangan. U oltin va kumushni afinajlash sexining kiyim almashtirish xonasiga qimmatbaho metall — sanoat qumlarini yashirib qo‘ygan.
Huquqni muhofaza qiluvchi organlar xodimlari tomonidan ushbu yacheykaning pastki qismida qo‘lqopda joylashtirilgan umumiy og‘irligi 4 kilogramm 435 gramm sanoat mahsuloti — shlam protsessual tarzda rasmiylashtirib olingan. Laboratoriya tahlili natijalariga ko‘ra, ushbu sanoat qumlari tarkibida umumiy narxi 117,5 million so‘mlik 160,5 gr qimmatbaho metallar mavjudligi aniqlangan.
Fuqaro X.F Chirchiq shahrida “Olmaliq KMK” AJning qo‘riqlash xizmatiga bo‘lib o‘tayotgan qabulga qatnashish uchun kelgan vaqtida qo‘lga olingan. Holat yuzasidan Jinoyat kodeksining tegishli moddalari bilan jinoiy ish qo‘zg‘atilgan.
Mavzuga doir:
- Navoiyda oltin rudasini noqonuniy qazib olgani uchun qo‘lga olingan shaxs IIB xodimiga 300 dollar pora berishga urindi
- Toshkent aeroportida zargarlik buyumlarini protez qo‘li ichiga yashirib olib kirishga uringan shaxs ushlandi
- Navoiyda 2,3 kilo sof quyma oltinni muomalaga kiritishga uringan shaxs qo‘lga olindi
Izoh (0)