Bugun,

  • USD 11095.31
  • RUB 173.84
  • EUR 10772.44

Toshkentdagi masjidlarga ibodat uchun kelgan fuqarolarning buyumlarini o‘g‘irlash bilan shug‘ullanib kelgan shaxs qo‘lga olindi. Bu haqda poytaxt IIBB xabar berdi.

Kadr: YouTube

Kadr: YouTube

Ma’lum qilinishicha, Toshkentning “Firdavs” jome masjidiga ibodat qilish uchun kelgan Behzod ismli fuqaro yechib qo‘yilgan kiyimining cho‘ntagida bo‘lgan iPhone telefoni yo‘qolgani uchun ichki ishlar organlariga murojaat qilgan.

Murojaatga asosan olib borilgan tezkor-surishtiruv tadbirlari davomida masjid va uning yon atrofidagi kuzatuv kameralari o‘rganilgan. Va 36 yoshli fuqaro sodir etgani aniqlanib, ushlangan.

Shayxontohur tumani IIB FMBning ma’lumotlariga ko‘ra, Namangan viloyatida tug‘ilgan Abdurashid ismli ushbu shaxs muqaddam Jinoyat kodeksining 168-moddasi, ya’ni firibgarlik uchun sudlangan.

Tergov jarayonida aniqlanishicha, bundan oldin Abdurashid “Umar ibn Xattob”, “Minor” masjidlarida ham fuqarolarning telefonlarini o‘g‘irlab sotib yuborgan. Ta’kidlanishicha, hozirda tergov harakatlari davom etmoqda.

Avvalroq Toshkentda 7 ta masjidda sodir etilgan o‘g‘riliklarda gumonlangan shaxs qo‘lga olingani to‘g‘risida xabar berilgandi.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi