“PSJ” tarkibni yoshartirmoqchi va shu sababdan yetakchi futbolchisi bilan shartnomani uzaytirmaslik haqida o‘ylamoqda

“PSJ” yozda tarkibni yoshartirmoqchi va shuning uchun Anxel di Mariya bilan shartnomani uzaytirmaslik haqida o‘ylamoqda.

Cultere PSG’ning xabariga ko‘ra, parijliklar keyingi mavsum oldidan tarkibda o‘zgarishlar qilish istagida.

Rahbariyat Anxel di Mariya bilan bitimni uzaytirmaslikni o‘ylamoqda. Argentinalik futbolchining shartnomasi joriy mavsum so‘ngida o‘z nihoyasiga yetadi va bandga ko‘ra, u yana bir mavsum parijliklar safida qolishi mumkin. Ammo rahbariyat bunga hojat yo‘q deb hisoblamoqda.

“PSJ” di Mariyaning o‘rniga “Lion” xavbeki Lukas Paketani xarid qilishi mumkin. Braziliyalik futbolchi Anxelga to‘g‘ridan to‘g‘ri o‘rinbosar sifatida ko‘rilmayapti, shunchaki Paketaning yoshi parijliklarni e’tiborini tortgan. Lukas hozirda 24 yoshda.

“PSJ” Fransiya chempionatida 26 turdan so‘ng 62 ochko bilan birinchi o‘rinda bormoqda.