O‘zbekistonda 2022-yilning yanvar—fevral oylarida bir million xonadonning bir kunlik iste’moliga teng miqdordagi tabiiy gazdan noqonuniy foydalanish holatlari aniqlangan. Bu haqda Energetika vazirligi xabar qildi.
Qayd etilishicha, respublika bo‘yicha 546 ta holatda ulgurji iste’molchilar 15 million 532 ming kub/metr hajmdagi tabiiy gazdan noqonuniy foydalangani aniqlangan. Oqibatda gaz ta’minoti korxonalari manfaatlariga 13 milliard 770 million so‘m zarar yetkazilgan.
Noqonuniy foydalanish holatlarining ko‘pi Xorazm, Sirdaryo, Andijon va Toshkent viloyatlarida aniqlangan. Barcha holatlar bo‘yicha tegishli hujjatlar rasmiylashtirilib, huquqni muhofaza qiluvchi organlarga taqdim etilgan.
Mavzuga doir:
- Farg‘onada gazdan noqonuniy foydalanib kelgan ohak ishlab chiqarish korxonasi davlatga 180 mln so‘m zarar yetkazgani aniqlandi
- Farg‘onada gaz tarmog‘iga noqonuniy ulanib, 560 mln so‘m zarar keltirgan tadbirkor ushlandi
- Jizzaxda tadbirkor tomonidan yetkazilgan qariyb 385 mln so‘m zararni kamaytirib berish uchun 3 ming dollar so‘ragan gaz ta’minoti xodimlari ushlandi
- Toshkent viloyatidagi zapravka 623 mln so‘mlik gazdan noqonuniy foydalangani aniqlandi
Izoh (0)