Andijon viloyati Andijon tumanidagi xonadonlarning birida yong‘in sodir bo‘ldi, deya xabar qilmoqda viloyat hokimligi matbuot xizmati.
Qayd etilishicha, Andijon tumani “Kengash” MFY Obod ko‘chasida yashovchi, fuqaro X.D. yashash uyining 200 metr kvadrat tom qismi va uy-ro‘zg‘or buyumlari yonib, zararlangan.
Yong‘in kelib chiqish sababi va moddiy zarar aniqlanmoqda. Yong‘indan tan jarohati va halok bo‘lganlar yo‘q.
Qo‘shni xonadonlarga tarqalishining oldi olingan, 4 ta yong‘in qutqaruv bo‘linmalari yong‘inni bartaraf etishga jalb qilingan.
Bundan avval Oltiariqdagi massajxonada, Zarafshon milliy bog‘ida, Samarqanddagi oshxonalardan birida yong‘in sodir bo‘lgani haqida xabar berilgandi.
Izoh (0)